Преподобному Пимену, постнику Печерскому (тропарь и кондак)
Тропарь, глас 8:
Посто́м ду́шу твою́ просвети́л еси́, / моли́твами непреста́нными се́рдце твое́ сосу́д Ду́ха Свята́го соде́лал еси́, / преподо́бне о́тче наш Пи́мене; / те́мже вся вра́жия ополче́ния кре́пко посрами́л еси́ / и, я́ко победоно́сец и́стинный, / воздая́ние получи́л еси́ от Христа́ Бо́га. // Тому́ помоли́ся о душа́х на́ших.
Кондак, глас 8:
Пи́мене преподо́бне,/ по́стником единонра́вне,/ послуша́ния о́бразе и трудолю́бия пра́вило,/ во бде́нии и моли́твах неусы́пне,// не преста́й моля́ся о нас ко Го́споду.
Назад к списку
