Преподобной Матроне Константинопольской (тропарь и кондак)
Тропарь, глас 8:
Мужескому́дрено утаи́вшися вра́жиих лука́вых путе́й, Матро́но, / к жи́зни вои́стину ше́ствовавши несумне́нною во́лею / и неукло́нное тече́ние Богому́дро сконча́вши, / от Христа́ прия́ла еси́ благода́ть духо́вную, / тем и во́ду цельба́м источа́еши / любо́вию притека́ющим в па́мять твою́ сла́вную, / мни́хом похвала́, // моли́ Христа́ Бо́га спасти́ся душа́м на́шим.
Кондак, глас 2:
За любо́вь Госпо́дню, преподо́бная Матро́но, / поко́я жела́ние возненави́дела еси́, / поще́нием дух твой просвети́вши, / но твои́ми моли́твами и проти́вных шата́ния разори́, // кре́пко бо зве́ри победи́ла еси́.
Назад к списку
