Преподобному Феодосию Сийскому (тропарь и кондак)
Тропарь, глас 8:
По́двигом до́брым подвиза́вся от ю́ности твоея́, преподо́бне Феодо́сие, / мирску́ю суету́ отве́ргл еси́, / де́вство же и целому́дрие возлюби́л еси́ Ца́рствия ра́ди Небе́снаго, / вина́ и упоя́ющаго пития́ до кончи́ны не вкуси́вый, / Еди́наго Бо́га взыску́я, / пусты́ню пречу́днаго отца́ Анто́ния дости́гл еси́ / и в ней во смиренному́дрии и слеза́х все житие́ препроводи́л еси́, / о́наго житию́ подо́бяся / и во всем быв о́браз доброде́телей твои́м ученико́м. / И ны́не в Го́рния оби́тели пресели́вся, / Святе́й Тро́ице предстои́ши, / помина́й нас, чад твои́х, Пресвяте́й Тро́ице моля́ся, // от вся́ких бед и скорбе́й изба́вити и спасти́ ду́ши на́ша.
Кондак, глас 8:
От ю́ности твоея́, преподо́бне, Го́сподеви возложи́в вся, / плотска́я мудрова́ния воздержа́нием увяди́л еси́, / в посте́х, моли́твах о́браз быв твои́м ученико́м, / доброде́тели богому́драго Анто́ния насле́довав, / и того́ оби́тель измла́да дости́гл еси́, / и в ней трудолю́бне свою́ жизнь препроводи́л еси́ в терпе́нии мно́зе, / и ны́не со все́ми святы́ми Святе́й Тро́ице предстои́ши, / помина́й нас, чту́щих всечестну́ю па́мять твою́, / да вси велегла́сно вопие́м ти: // ра́дуйся, досточу́дне Феодо́сие, наста́вниче духо́вный.
Назад к списку
