Преподобному Лонгину Яренгскому (тропарь и кондак)
Тропарь, глас 1:
Свы́ше Боже́ственною благода́тию просвети́вся, Богому́дре,/ мно́гим терпе́нием во вре́менней жи́зни тече́ние соверши́л еси́,/ те́мже и по успе́нии источа́еши чуде́с благода́ть,/ и́же с ве́рою приходя́щим к тебе́, Ло́нгине всеблаже́нне./ Сла́ва Да́вшему ти кре́пость,/ сла́ва Просла́вльшему тя в чудесе́х,// сла́ва Де́йствующему тобо́ю всем исцеле́ние.
Кондак, глас 2:
Вы́шних улучи́ти, прему́дре, жела́я,/ до́лу кра́сных, му́дре, преоби́дел еси́,/ и Христо́ви обнища́вшему, сообнища́,/ ра́дуяся, после́довал еси́, Ло́нгине,// к Нему́ же приле́жно непреста́й моля́ся о всех нас.
Назад к списку
