Преподобным Акакию Синайскому, о котором повествуется в Лествице и Фоме, иже в Малеи (тропари, кондаки и величание)
Тропарь, глас 1:
Свети́ла богосия́нная ми́ру / и и́ноков одушевле́нныя зари́, / Фома́ чудесы́, Ака́кий же послуша́нием, / возсия́сте све́тло; / сих, я́ко иму́щих дерзнове́ние к Бо́гу, / моли́твами во бра́нех посо́бствовати мо́лим, / да про́сят от Христа́ Бо́га дарова́ти проще́ние согреше́ний // чту́щим их святу́ю па́мять.
Ин тропарь, глас 4:
Бо́же оте́ц на́ших, / творя́й при́сно с на́ми по Твое́й кро́тости, / не отста́ви ми́лость Твою́ от нас, / но моли́твами их // в ми́ре упра́ви живо́т наш.
Кондак Акакию, глас 2:
Мир оста́вль, Христу́ после́довал еси́ от младе́нства, / прему́дре Ака́кие преподо́бне, / Того́ подража́я во́льное смире́ние, / низве́ргл еси́ го́рдостнаго мучи́теля, // моли́ непрста́нно о всех нас.
Ин кондак Фоме, глас 4:
Ве́лию побе́ду му́жески показа́л еси́, / отону́дуже Боже́ственною любо́вию разгоре́вся, / царя́ тле́ннаго и вся кра́сная преоби́дел еси́, / на горе́ Мале́стей вселе́ние соверши́в, / от нея́же в Небе́сная / возше́л еси́ к Царю́ царе́й, Фомо́, // моли́ непреста́нно о всех нас.
Величание
Ублажа́ем вас,/ преподо́бные отцы́,/ и чтим святу́ю па́мять ва́шу,/ наста́вницы мона́хов // и собесе́дницы А́нгелов.
Назад к списку
