Преподобным Симеону, Христа ради юродивому и Иоанну, спостнику его (тропарь и кондаки)
Тропарь, глас 4:
Бо́же оте́ц на́ших, / творя́й при́сно с на́ми по Твое́й кро́тости, / не отста́ви ми́лость Твою́ от нас, / но моли́твами их // в ми́ре упра́ви живо́т наш.
Кондак, глас 2:
Во пло́ти я́вльшася безпло́тнаго и доброде́тельми преми́рно просия́вшаго, / Симео́на равноа́нгельнаго и Богоно́снаго восхва́лим, / с ни́мже Иоа́нна приснопа́мятнаго, ве́рою и любо́вию, // я́ко моля́щияся Го́споду непреста́нно о всех нас.
Ин кондак, глас 8:
Христо́вою любо́вию распала́еми, сла́внии, / вся, я́же в житии́, преподо́бнии, оста́висте / и, яре́м Его́ прие́мше и свой крест на ра́мо взе́мше, / подража́тели Того́ житию́ бы́сте / и Боже́ственныя Его́ сла́вы прича́стницы, / Иоа́нне Богому́дре с Симео́ном чу́дным, // непреста́нно моли́теся о всех нас.
Назад к списку
