Преподобным Дивеевским женам (тропарь, кондак и молитва)
Тропарь, глас 1:
Преподо́бныя ма́тери Диве́евския, во всю зе́млю Ру́сскую о по́двизех ва́ших изы́де веща́ние, се бо да́же доны́не ле́стчия де́монския полки́ погубля́ете, мзду́ трудо́в ва́ших на Небесе́х обрета́ете, иде́же равноа́нгельския сла́вы жен святы́х сподобля́етеся, и́хже и житию́ преподо́бному поревнова́ли есте́. Ны́не же ве́лие име́я ко Христу́ Бо́гу дерзнове́ние, душа́м на́шим мир испроси́те и спасе́ние.
Кондак, глас 2:
По веле́нию Де́вы Пречи́стыя, в уде́л Ея́ Диве́евский всели́лися есте́, иде́же многоподви́жное проводи́ли и многоско́рбное житие́, и да́ром моли́твы у́мныя обогати́лися. И в Ца́рствие Небе́сное к Престо́лу Бо́жию взошли́ есте́, я́ко зла́то в горни́ле очище́нныя, и я́коже во́лна убеле́нныя. Те́мже и мы вопие́м вам: ра́дуйтеся, Алекса́ндро, Ма́рфо и Еле́но, ма́тери на́ша блаже́нныя.
Молитва
Преподо́бныя ма́тери на́ша, ми́ра красоту́ и сла́дость вре́менную отню́д возненави́дели есте́, мона́шеское житие́ па́че возлюби́вше, и земна́го а́нгела собесе́дницы бы́ти сподо́билися есте́, и свети́льницы многосве́тлыя Росси́йския земли́, чудесы́, я́коже всесве́тлыя со́лнца сия́юще, но всех нас помина́йте, соверша́ющих свяще́нную па́мять ва́шу, мы бо ча́да ва́ша и о́вцы Серафи́мовы, всех вас на по́мощь призыва́ем, прося́ще ва́ми прия́ти мир и ве́лию ми́лость. Ами́нь.
Назад к списку
