Князю Феодору Ярославичу Владимирскому (тропарь и кондак)
Тропарь, глас 8:
В жи́зни сей утверди́ся ве́рою, / в за́поведех Госпо́дних пребыва́ше непрекло́нен, / благоугоди́х Тому́, я́ко благочести́в самоде́ржец / Ему́же подо́бяся о вруче́нных ти христоимени́тых лю́дех, / ду́шу свою́ положи́ти потща́вся, / в зе́млю идя́ше всезлу́ю и безбо́жную / и та́мо, пред нечести́вым мучи́телем Христа́ дерзнове́нно испове́дав, / му́ченический вене́ц прия́т, / те́мже, прему́дре Фео́доре Яросла́виче, / Изба́вителя моли́ изба́вити от бед оте́чество твое́ и лю́ди, // да тя вси непреста́нно почита́ем.
Кондак, глас 3:
Ре́вностию Боже́ственною разже́гся,/ оплева́в ца́рство и сла́ву тле́ющую,/ изво́ли за Христа́ умре́ти,/ не́жели кроме́ Христа́ жи́ти,/ нечести́вых зако́ну не подчини́вся/ и сего́ ра́ди за Христо́ву ве́ру венча́вся,/ кро́вию прия́т вене́ц нетле́нный,// Фео́доре Яросла́виче.
Назад к списку
