Князю Мстиславу Храброму, во святом Крещении Георгию, Новгородскому (тропарь и кондак)
Тропарь, глас 4
Измла́да яви́лся еси́, Богому́дре кня́же Мстисла́ве,/ Боже́ственный сосу́д, избра́н Бо́гови,/ благоче́стием воспита́н,/ ве́ру непоро́чну соблю́л еси́./ Те́мже предстоя́ Святе́й Тро́ице,/ моли́ся стране́ Росси́йстей сохране́нной бы́ти // и всем нам спасти́ся.
Кондак, глас 8:
Многому́дренно пожи́в в княже́нии твое́м/ в вели́ком Но́вегра́де сем,/ благове́рный кня́же Мстисла́ве,/ плод благи́й Бо́гови в жи́зни сей был еси́,/ присноцвету́щ доброде́тельми,/ того́ ра́ди получи́л еси́ жизнь ве́чную на Небесе́х,/ те́ло же твое́ нетле́нием просла́влено бысть на земли́./ Мы же, предстоя́ще ико́не твое́й, любо́вию вопие́м ти:// ра́дуйся, утвержде́ние гра́ду на́шему.
Назад к списку
