Князю Владимиру Ярославовичу Новгородскому, чудотворцу (тропарь и кондак)
Тропарь, глас 4:
Измла́да яви́лся еси́, Богому́дре кня́же Влади́мире,/ Боже́ственный сосу́д избра́н Бо́гови,/ благоче́стием воспита́н, ве́ру непоро́чну соблю́л/ и, храм пречу́ден Прему́дрости Бо́жия/ в Вели́ком Новегра́де сем устро́ив,/ те́ло Твое́ в Нем предложи́л еси́,/ и ны́не, на Небесе́х предстоя́ Престо́лу Святы́я Тро́ицы,// моли́ся низпосла́ти и нам ве́лию и бога́тую ми́лость.
Кондак, глас 8:
Многому́дренно пожи́в в княже́нии твое́м в Вели́ком Новегра́де,/ благове́рный кня́же Влади́мире,/ плод благи́й в жи́зни сей был еси́, присноцвету́щ доброде́тельми./ Того́ ра́ди получи́л еси́ жизнь ве́чную на Небесе́х,/ те́ло же твое́ нетле́нием просла́влено бысть на земли́,/ и ны́не пра́здник твой све́тло соверша́юще,/ с любо́вию вопие́м тебе́:// ра́дуйся, вели́кому Новугра́ду и всей Росси́йстей земли́ утвержде́ние.
Назад к списку
