Князю Глебу во святом крещении Давиду (тропарь и кондак)
Тропарь, глас 4:
Му́чениче Госпо́день, / прославля́емь ве́ры твоея́ ра́ди, / кня́же Гле́бе, / тружда́ющимся бы́стрый помо́щник / и немощны́м наде́жда еси́, / ты бо неду́ги врачу́еши притека́ющим к тебе́ с ве́рою. / Те́мже и мы ве́рою мо́лимся: / от бед изба́ви нас, // чту́щих любо́вию па́мять твою́.
Кондак, глас 2:
Днесь земля́ ублажа́ется, напи́вшися кро́ве твоея́, / и храм освяща́ется, прии́м те́ло твое́, / святы́й му́чениче кня́же Гле́бе. / Во́лею бо страда́ния твоя́ в ничто́же вмени́в, / от моще́й твои́х, благоуха́ния испо́лненных, / ве́рным подае́ши освяще́ние // и всему́ ми́ру ве́лию ми́лость.
Назад к списку
