Княгине Елисавете Московской, мученице (тропарь и кондаки)
Тропарь, глас 1:
Смиpе́нием досто́инство кня́жеское сокpы́вши, Богому́дpая Елисаве́то,/ сугу́бым служе́нием Ма́pфы и Маpи́и Хpиста́ почти́ла еси́./ Милосе́pдием, теpпе́нием и любо́вию себе́ пpедочи́стивши,/ я́ко же́pтва пpа́ведная Бо́гу пpинесла́ся еси́./ Мы же, чту́ще добpоде́тельное житие́ и стpа́дания твоя́,/ я́ко и́стинную наста́вницу усе́pдно пpо́сим тя:/ свята́я му́ченице вели́кая княги́не Елисаве́то,// моли́ Хpиста́ Бо́га спасти́ и пpосвети́ти ду́ши на́ша.
Кондак, глас 2:
Вели́чие по́двига ве́ры кто пове́сть?/ во глубине́ земли́, я́ко в раи́ све́тлости,/ страстоте́рпица вели́кая княги́ня Елисаве́та/ со а́нгелы во псалме́х и пе́ниих ра́довашеся/ и, убие́ние претерпева́ющи, о безбо́жных мучи́телех взыва́ше:/ Го́споди, прости́ им грех сей,/ не ве́дят бо, что творя́т./ Тоя́ моли́твами, Христе́ Бо́же,// поми́луй и спаси́ ду́ши на́ша.
Ин кондак, глас 5:
От сла́вы ца́рственныя, взе́мши Крест Христо́в,/ прешла́ еси́ к сла́ве Небе́сней, моля́щи враго́в,/ и обрела́ еси́ ра́дость ве́чную,/ свята́я му́ченице княги́не Елисаве́то,/ с Варва́рою му́ченицею./ Те́мже мо́лим вас:// моли́те о душа́х на́ших.
Назад к списку
