ПСАЛОМЩИК - <
Выделенная опечатка:
Сообщить Отмена
Закрыть
Наверх

Иконы Умиление - Смоленская (тропари)

Тропарь, глас 4:

Богора́дованная Влады́чице, / Препросла́вленная Ма́ти щедро́т и человеколю́бия, / Всеми́лостивая о всем ми́ре Хода́таице! / Приле́жно, раби́ Твои́, к Боже́ственному предста́тельству прибега́юще / и пречу́дному о́бразу Твоему́ со умиле́нием припа́дающе, мо́лимся: / моли́тву те́плую к Сы́ну Твоему́ и Бо́гу на́шему сотвори́, / о Всепе́тая Цари́це Богоро́дице, / да вся́ких боле́зней и печа́лей нас Тебе́ ра́ди изба́вит / и от грехо́в вся́ких свободи́т, / Ца́рствия Своего́ Небе́снаго насле́дники ны пока́жет, / ве́лие бо неизрече́нное, я́ко Ма́ти, и́маши дерзнове́ние к Нему́ / и вся мо́жеши, // Еди́на во ве́ки Преблагослове́нная.

Ин тропарь, глас 4:

К Богоpо́дице с умиле́нием пpипаде́м,/ вси, гpеха́ми обpемене́ннии,/ чудотво́pную ико́ну Умиле́ние облобыза́юще/ и вопию́ще со слеза́ми:/ Влады́чице, пpиими́ моле́ние недосто́йных pаб Твои́х/ и пода́ждь нам, пpося́щим, // ве́лию Твою́ ми́лость.


Назад к списку