Апостолу Фаддею Едесскому, от семидесяти (тропари, кондак и величание)
Тропарь, глас 2:
Днесь Еде́с град весели́тся, / прие́м тобо́ю Креще́ния ба́ню, / и А́вгарь, страсте́й премене́н, твою́ па́мять сла́вит. / С ни́миже пое́м и мы: / весе́лия духо́внаго испо́лни живо́т наш / и стра́сти исцели́, // Фадде́е апо́столе, моли́твами твои́ми.
Ин тропарь, глас 3:
Апо́столе святы́й Фадде́е, / моли́ Ми́лостиваго Бо́га, / да прегреше́ний оставле́ние // пода́ст душа́м на́шим.
Кондак, глас 4:
Я́ко звезду́ пресве́тлую / Це́рковь тя стяжа́, / апо́столе Фадде́е, / чудесы́ твои́ми всегда́ просвеща́ема, // спаси́ ве́рою чту́щия па́мять твою́.
Величание
Велича́ем тя,/ апо́столе Христо́в Фадде́е,/ и чтим боле́зни и труды́ твоя́, и́миже труди́лся еси́ // во благове́сти Христо́ве.
Назад к списку
