Апостолу Симеону священномученику, епископу Иерусалимскому, сроднику Господню (тропари и кондак)
Тропарь, глас 1:
Христо́ва тя сро́дника, Симео́не священнонача́льниче, / и му́ченика тве́рда свяще́нно восхваля́ем, / пре́лесть потреби́вшаго / и ве́ру соблю́дшаго. / Те́мже, днесь всесвяту́ю твою́ па́мять пра́зднующе, // грехо́в разреше́ние моли́твами твои́ми прие́млем.
Ин тропарь, глас 4:
В ми́ре ра́дуешися, Симео́не Иерусали́мский, / любе́зно Христу́ Бо́гу, / те́ло душе́вное чи́сто сохрани́в, / претерпе́вый страсть теле́сную, долготерпели́ве, кре́пко, / и в коне́ц на кресте́ ра́спят бысть. / Ты бо, И́стинному Рачи́телю подо́бяся, / и от ми́ра ско́ро отлучи́ся, / лю́тыя я́звы на себе́ понесе́ // и мо́лишися о душа́х на́ших.
Кондак, глас 4:
Я́ко звезду́ преве́лию, Це́рковь, иму́щи днесь Богоглаго́ливаго Симео́на, / светово́дится, зову́щи: // ра́дуйся, му́чеников честны́й ве́нче.
Назад к списку
