ПСАЛОМЩИК - <
Выделенная опечатка:
Сообщить Отмена
Закрыть
Наверх

Мученикам Инне, Пинне и Римме (тропарь и кондак)

Тропарь, глас 2:

Я́коже Первозва́ннаго учени́цы/ первозва́ни яви́стеся от слове́н,/ и бра́тию ва́шу/ све́том И́стины просвеща́юще,/ от безбо́жнаго свире́паго кня́зя/ лю́тую кончи́ну прия́ли есте́,/ мра́зом окова́нни и ле́дом уда́вленни,/ на Дуна́е реце́ в Ски́фстей стране́./ Но я́ко ду́ши за дру́ги поло́жшии,/ святи́и И́нно, Пи́нно и Ри́ммо,/ и о нас всемо́щныя моли́твы приноси́те,/ вся язы́ки слове́нския// па́ки ко Христу́ обраща́юще.

Кондак, глас 2:

Ве́лия ве́ры исправле́ния:/ льдом окова́нни, я́ко на воде́ упокое́ния,/ святи́и И́нна, Пи́нна и Ри́мма ра́довахуся,/ мучи́тель же несмы́сленно яря́шеся,/ плоды́ их виногра́да тща́ся погуби́ти,/ но оба́че доны́не от слове́нских язы́к/ святы́я гро́здия Христо́с прие́млет,/ и первому́ченик слове́нских венча́ет венцы́./ Сего́ ра́ди и мы,/ взра́щенных ва́ми ве́рных отроча́та,/ благодари́м и мо́лим вы, святи́и:/ испроси́те те́плыми моли́твами и нам// в Ду́се и́стины по Бо́зе ревнова́ти.


Назад к списку