ПСАЛОМЩИК - <
Выделенная опечатка:
Сообщить Отмена
Закрыть
Наверх

Священномученику Елевферию (тропарь и кондак)

Тропарь, глас 4:

И нра́вом прича́стник, / и престо́лом наме́стник апо́столом быв, / дея́ние обре́л еси́, Богодухнове́нне, / в виде́ния восхо́д, / сего́ ра́ди, сло́во и́стины исправля́я, / и ве́ры ра́ди пострада́л еси́ да́же до кро́ве, / священному́чениче Елевфе́рие, / моли́ Христа́ Бо́га // спасти́ся душа́м на́шим.

Кондак, глас 2:

Я́ко удобре́ние свяще́нников, преподо́бне, / и предувеща́ние страстоте́рпцев вси восхваля́ем / и про́сим тя, священному́чениче Елевфе́рие: / любо́вию па́мять твою́ пра́зднующия / бед многообра́зных свободи́, // моля́ непреста́нно о всех нас.


Назад к списку